ABŞ-də yaşayan 21 yaşlı gənc illərlə davam edən boyun və bel ağrılarını “stress” hesab edərək görməzlikdən gəlib.
E-saglam.az xəbər verir ki, lakin 2024-cü ilin fevralında kəskinləşən mədə ağrısı sonrası aparılan müayinələr onun kolonunda 5 sm-lik şiş və 4-cü mərhələ qeyri-Hodgkin lenfoma diaqnozunu ortaya çıxarıb.
Gənc, TikTok-da @ChemoPump adı ilə mübarizəsini izləyicilərlə bölüşərək minlərlə insana ilham verib. O, səkkiz kimyaterapiya kursunu uğurla başa vurub və hazırda xəstəlikdən xilas olub.
O, paylaşımında deyib: “Nə qədər çətin olsa da, bu təcrübə məni həmişəlik dəyişdi. İstəyirəm ki, siz də əlamətləri görməzlikdən gəlməyəsiniz”.
Mütəxəssislər xəbərdarlıq edir ki, uzunmüddətli ağrı, şiddətli mədə-bağırsaq problemləri və şişmiş limfa düyünləri kimi əlamətlər gecikmədən həkim tərəfindən yoxlanılmalıdır. Böyük Britaniya Milli Səhiyyə Xidməti bildirir ki, altı həftədən çox davam edən hər hansı simptomların səbəbini araşdırmaq həyati əhəmiyyət daşıyır.
Tərcümə: Könül Oruc
