Yeni bir araşdırmaya görə, çiyələk yemək yaxşılaşdırılmış idrak funksiyası, aşağı qan təzyiqi və artan antioksidan qabiliyyəti də daxil olmaqla bir sıra sağlamlıq faydaları təmin edə bilər.
E-saglam.az xəbər verir ki, tədqiqat zamanı iştirakçılar səkkiz həftə ərzində gündə iki porsiya çiyələk yeyiblər. Bu, koqnitiv emal sürətinin 5,2% artması, qan təzyiqinin 3,6% azalması və ümumi antioksidan qabiliyyətinin 10,2% artması ilə nəticələndi. Bel ətrafı da 1,1% azalıb.
Araşdırmanın aparıcı müəllifi Şirin Xuşmənd deyib:
"Təcrübəmiz göstərir ki, bu giləmeyvə yemək hipertoniya kimi ürək-damar xəstəlikləri üçün risk faktorlarını azaltmağa kömək edə bilər".
Tərcümə: Könül Oruc
