SM-Clinic tibb mərkəzinin uşaq endokrinoloqu Daria Khaikina, hər bir insan üçün gündəlik yumurta istehlakı normasının onların məqsədlərindən və şəxsi tərcihlərindən asılı olduğunu bildirib.
E-saglam.az-ın məlumatına görə, Khaikina Lenta.ru-ya verdiyi müsahibədə, təhlükəsiz hesab edilən gündəlik yumurta sayını açıqlayıb.
Həkim qeyd edib ki, peşəkar idmanla məşğul olmayan və səhər yeməyində sadəcə yumurta yemək istəyən insanlar üçün təhlükəsiz olan norma gündə bir və ya iki ədəd yumurtadır. Aktiv həyat tərzi keçirən idmançılar və xroniki xəstəlikləri olmayan sağlam insanlar isə, sağlamlığa zərər vermədən gündə üç və ya dörd yumurta da yeyə bilərlər.
Khaikina, yumurta sarısının təxminən 200 milliqram pəhriz xolesterolu ehtiva etdiyini bildirib. Lakin, araşdırmalar göstərir ki, sağlam insanlarda qan xolesterol səviyyəsinə doymuş yağlar və şəkərdən daha az təsir göstərir.
Diqqət etməli olduğunuz hallar
Bununla yanaşı, lipid mübadiləsi pozulmuş, 2-ci tip şəkərli diabet və ya ürək-damar xəstəlikləri olan şəxslər yumurta istehlakını məhdudlaşdırmalıdırlar." Belə vəziyyətlərdə, normanı müəyyən etmək üçün həkimlə məsləhətləşmək vacibdir", – deyə Khaikina əlavə edib.
Tərcümə: Könül Oruc
