Baş ağrıları ilə həkimə müraciət edənlərin sayı artıb.
E-saglam.az Xəzər TV-yə istinadən məlumat verir ki, həkimlərin sözlərinə görə, xüsusilə anomal havalarda belə şikayətlər çoxalır. Bu ağrılar kəskin və intensiv olması ilə fərqlənir, səbəbi isə günvurma deyil.
Həkim-nevroloqlar bildiriblər ki, belə hallarda ağrıkəsici istifadə etmək düzgün deyil. Bu zaman başağrıları xroniki hal alır və daha da dərinləşir. Sadəcə istirahət etmək, kompüter və telefondan az istifadə etməklə ağrını azalmaq mümkündür.
Həkimlərin sözlərinə görə, belə ağrılar keçicidir və ciddi müalicə tələb edən hal deyil. Lakin, bunu müəyyən etmək üçün həkimə müraciət etmək mütləqdir.
