Araşdırmalara görə, insanların 35 faizə qədəri ətir tətbiq etdikdən sonra baş ağrısı, başgicəllənmə və digər mənfi təsirlərdən şikayətlənir.
E-saglam.az-ın məlumatına görə, gözəllik eksperti, Avon Rusiya tədqiqat və inkişaf mərkəzinin rəhbəri Elena Vednikova xəbərdarlıq etdi.
O, Lenta.ru-ya ətir səbəbindən səhhətinin pisləşməsinin səbəbini açıqlayıb.
Vednikova hesab edir ki, bəzi ətirlərə fərdi reaksiyalar beynin həddindən artıq yüklənməsi, qoxunu analiz etməyə məcbur olması ilə bağlı ola bilər.
"Ətir kompozisiyaları 20-30, bəzən isə 40 aromatik maddədən ibarətdir, buna görə də beyin eyni vaxtda analiz üçün çoxlu sayda siqnal göndərir. Beyin qabığı həddindən artıq yüklənir, bu da baş ağrısı və ya yorğunluqla nəticələnə bilər", - o izah etdi.
Mütəxəssis ətir tətbiq etdikdən sonra özünü pis hiss etməyin başqa bir səbəbi kimi onun tərkibinə daxil olan komponentlərə qarşı allergiyanı göstərib. Onun sözlərinə görə, bir qayda olaraq, kompleks birləşmələr (linalool və limonen hidroperoksidlər), mütləq ağac və palıd mamırı, izoeugenol, darçın spirti və cinnamal səbəb olur.
Tərcümə: Könül Oruc
