"TƏBİB tabeli tibb müəssisələrinin 25-ə yaxını özünü maliyyələşdirə bilir".
E-saglam.az xəbər verir ki, bu sözləri TƏBİB-in icraçı direktorunun müavini Araz Nəsirov “Səhiyyə İdarəçiləri Zirvəsi 2024” tədbirində "Dayanıqlı səhiyyə İdarəetməsi" adlı panel müzakirəsində çıxışı zamanı deyib.
Onun sözlərinə görə, TƏBİB qurularkən tabeli tibb müəssisələrinin büdcəsi 800 milyon manat civarında olub. Amma bu gün həmin müəssisələrin büdcəsi 1.8 milyard manata yaxınlaşır:
"Bunun da ilkin səhiyyə büdcəsini nəzərə almasaq, 1.3 milyard civarında büdcəmiz var. TƏBİB tabeli 90 tibb müəssisəsi var, onun da 25-ə yaxını özünü maliyyələşdirə bilir. Yəni 20 tibb müəssisəsi bunu 100 % tamamlaya bilir. Hədəfimiz növbəti illərdə daha çox tibb müəssisəsinin özünü maliyyələşdirə bilməsini təmin etməkdir".
E-saglam.az
